Нямецкая авіябомба
Нямецкая авіябомба, скінутая на станцыю Дрэтунь пад Полацкам 3 ліпеня 1941 года. Бомба не выбухнула. Замест зарада ў яе была ўкладзеная запіска з тэкстам «Мы любім Савецкі Саюз, мы не хочам вайны...».
Экспануецца ў першым зале.
Роба вязніцы лагера «Асвенцым»
Роба вязніцы канцлагера "Асвенцым" палачанкі В. Г. Зелянкевіч з нумарам "700098".
Экспануецца ў першым зале.
План-карта г. Полацка, выкананая падпольшчыкам М. А. Манісам
Карта г. Полацка, выкананая Полацкім падпольшчыкам М. А. Манісам, з нанесенымі на яе нямецкімі ваеннымі аб'ектамі. План выкарыстоўваўся лётчыкамі Авіяцыі далёкага дзеяння Чырвонай арміі пры нанясенні удараў па нямецкіх стратэгічных аб'ектах у горадзе ў 1943 годзе.
Экспануецца ў першым зале.
Друкарскі станок
Арыгінальны друкарскі станок 3-й Беларускай партызанскай брыгады, на якім друкавалі Полацкую падпольную газету "Бальшэвіцкі шлях".
Экспануецца ў першым зале.
Муляж калоны Рэйхстага з надпісам "Баніфацый Яронька з Полацка 2 мая 1945 года"
Палачанін Б. І. Яронька прайшоў усю вайну і ў складзе 248-й Адэскай стралковай дывізіі ўдзельнічаў у штурме будынка Рэйхстага.
Экспануецца ў трэцім зале.